Ankadikely Ilafy : Hisy ny fifantenana ireo mpilalao baolina kitra

Hotontosaina ny 18 jona ny fifantenana ireo mpilalao baolina kitra sokajy « sénior » lehilahyizay handrafitra ny ekipan’ny Kaominina Ankadikely Ilafy. Ao amin’ny Kianjan’ny Fifankatiavana no hanatanterahana izany.

« Tokony hisoratra anarana ety amin’ny biraon’ny kaominina ireo liana. Mpanazatra matihanina no hanao ny fantina ireo mpilalao amin’izany » hoy ny avy ao amin’ny kaominina Ankadikely Ilafy. « Tena mahafinaritra ny fanomezana sehatra ny lalao baolina kitra tahaka izao. Miainga amin’ny kely tokoa no lasa lehibe handray anjara amin’ny lalao iraisam-pirenena avy eo » hoy i Manda, mpilalao baolina.

Manohana hatrany ny taranja baolina kitra ireo kaominina eto Avaradrano. Manomboka misokatra tsikelikely ihany koa ireo taranja hafa toy ny basket sy ny volley.

Hasina Rasamimanana