Toliara : Jiro 96 no ho apetraka hanazava ny tanàna

Efa tonga any Toliara ireo jiro entina hanazavana ny tanàna. Anisan’ny misitraka izny ny fonja.

« 96 ny fitambaran’ireo jiro tonga ho entina hanazavana ny tanàna. Tsy ho diso anjara amin’izany ny fonja izay mampiantrano ireto fitaovana ireto. 4 no anjaran’ny fonja » hoy ny governoran’ny Faritra Atsimo Andrefana, Dr Tovondrainy Ranoelson Edally. « Izahay no hiantoka ny fampandehanana ireto fitaovana vao tonga ireto. Mitsinjo hatrany ny mponina eny ifotony ny orinasa » hoy ny avy ao amin’ny Orinasa Jirama.

Hanampy betsaka amin’ny ady amin’ny tsy fandriam-pahalemana ny fisian’ireto jiro fanazavana ireto. Ny alina tokoa mantsy no manjaka ny ratsy, ary isan’ny hampihena izany tsy filaminana amin’ny alina izany ireto fitaovana ireto.

Nicole Rafalimananjara