Nahazo fitaovana vaovao ny CHRR Bongolava
Nahazo fitaovana vaovao, izay ahitana « table opératoire, scope de surveillance, tococardiographie, bistouri électrique, couveuse, table métallique, onduleur », ny « Centre Hospitalier de Référence Régional » (CHRR) ao Bongolava, izay vokatry ny fiaraha-miasa akaiky amin’ny Japan International Cooperation Systeme (Sinus corporation) sy ny Ministeran’ny fahasalamam-bahoaka. Hanampy betsaka amin’ny famonjena ny ain’ireo marary sy izay tonga ai amin’ny hopitaly ireto fitaovana ireto.
« Miezaka hatrany izahay ny amin’ny fanatsarana ny tolotra ara-pahasalamana omena ny vahoaka amin’ny alalan’ny Ministeran’ny Fahasalamam-bahoaka sy ireo mpiara-miombon’antoka aminy ho fanatanterahana ny velirano fahadimy » hoy ny Ministra Rakotovao Jean Louis Hanitrala. « Mankasitraka izao fanomezana izao izahay satria tsy nanadino anay tokoa ianareo fa mitsinjo hatrany ny fahasalam-bahoaka aty Bongolava » hoy ny solontenan’ireo mpitsabo any an-toerana. « Mahafaty ain’olona vetivety mihitsy ny tsy fahampian’ny fitaoavana sy ny fahelan’ny fomba fiasa, koa tsara raha ampy hatrany ireo fitaovana entina hitsaboana manerana ny toeram-pitsaboana rehetra » hoy i Seheno, mpianatra ho mpitsabo hivoaka tsy ho ela.
Zava-dehibe tokoa ny fahasalamana ary sambatra ny olona salama, koa izany indrindra no tena tokony handehanana avy hatrany any min’ny hopitaly mba hanarahana maso ny fahasalaman’ny tsirairay.
Nicole Rafalimananjara
