2023-2026: drafitra vaovao any Canada ho an’ny fifindra-monina ara-toekarena
Ny drafitry ny fifindra-monina any Canada 2023-2026 vaovao dia miankin-doha amin’ny fifindra-monina ara-toekarena mba hisarihana mpiasa amin’ny taona ho avy, hoy ny ACP (Agence Congolaise de Presse) ny alakamisy teo avy amin’ny loharanom-baovao ofisialy ny Canada. « Ny hevitra dia ny hisarihana ny fahaiza-manao sy ny talenta ilaintsika hamenoana ny tsy fahampian’ny mpiasa ary hiantohana ny firoboroboana ara-toekarena any Canada”, hoy i Marc Miller, Minisitry ny Fifindra-monina, ny Mpitsoa-ponenana ary ny zom-pirenena any Canada. Manoloana ny fahanterana sy ny tsy fahampian’ny mpiasa, Canada dia miantoka ny fifindra-monina ara-toekarena indrindra mba hisarihana mpiasa amin’ny taona ho avy. Saingy mifanohitra amin’ny nambarany dia hametra ny isan’ny vahiny horaisina amin’ny 2025 sy ny taona manaraka ny governemanta, fa tsy hampitombo ny fetrany.
Ho an’i Marc Miller, tsy maintsy maka mpiasa ara-pahasalamana sy mpiasan’ny fanorenana aloha, asa izay tsy ampy efa ho taona maro tany Canada. Araka ny filazany, ny indostrian’ny fanorenana dia mety mila mpiasa 100.000 haingana hanorina trano ary hanampy amin’ny fifandanjana eo amin’ny tsenan’ny trano. Tamin’ny valan-dresaka ho an’ny mpanao gazety tao Ottawa mba hanolorana ny drafitry ny fifindra-monina vaovao 2023-2026, ny minisitra dia nanamafy ny fitomboan’ny « tanjona » ho an’ny fifindra-monina ho tonga 485,000 amin’ny 2024. Nohamafisiny ihany koa ny fetra farany ambony indrindra efa nambara ka 500,000 mponina isan-taona manomboka amin’ny 2025. Na izany aza, manomboka misalasala ny ampahany amin’ny mponina amin’ny fahatongavan’ireo mpifindra monina vaovao betsaka loatra.
Mialy Fanilo
